Gaur beste egun bat da, agian kotxean erdi zorabiatuta natorrelako.
Beste egun bat da eguzkiak azala gorritu zidalako bart goizean, eta
gaur mina dudalako bizkarraldean.
Gaur beste egun bat da, atzo beste bat zelako. Eta ez da berdin!
Gaur ez dut atzokoaz ahaztu nahi,
bihar ere ez,
biharamunak eskaini didan irribarrea mantendu nahi dudalako.
Ez dut ahaztu nahi, eta ez dut nahastu nahi.
Ez zaitut nahastu nahi.
Beste egun bat da, beste begi batzuekin ikusi zaitudalako,
beste ezpain batzuekin dastatu.
Eta zergatik ixildu...
...gustatu zait.
Eta zergatik lotsatu...
...errepikatuko nuke.
eta zergatik ez errepikatu...
...ederra haiz!
eta mesedez ez nahastu maitemina eta poesia
nazkatu nintzen loreak mozkortutako ohetan bakarrik botatzen!

Ezetza idatzia omen folio zuri hutsetan... oroitzen?