Lore bat izan nahi nuke
gaua iristean petaloak itxiz
zu besarkatu ahal izateko
goizeko lehen eguzki izpiak
esnatze gaituen arte!

Azkar igaro da azken hilabetea,
lasai.
Nire buruak oporrak hartu ditu
zuk bezalaxe.
Aspaldi arnastu gabeko bakeak
amaiera bizkorra izan du ordea.
Oporretatik itzuli zara
eta itzuli zara nire garunera.
Sentimenduak aldatu zaizkidala
ulertzen dudan arren,
ez dut ulertzen zergatik nahasten
zaren oraindik orain hainbeste,
nire pentsamendutan.
Nahiago nuke batzutan
hutsunean igeri eginez jarraitu
hormaren kontra berriz,
noiz joko naizen jakin gabe.
Beraz itzul zaitez oporretara!

Berriz ere ariketa matematiko batzuen emaitzak
ez direla sekula erratzen ohartu naiz.
Berriz ere mozorroa kendu diot gizonari.
Emozioak adierazteko beraien inpotentzian
segurtasunez makilatzen dituzte aurpegiak.
Koldarkeria disimulatzeko arma bakarra
erabiliz ISILTASUNA.
Eta bien bitartean hor konpon ondokoa
haiek euren tronua mantenduko badute.

PUAJJJ!
NaZkA!
LESBIANISMOA AUKERA POLITIKO ZUZENENA DELA
GEROZ ETA GEHIAGO KONBENTZITZEN!

Otso beldurgarrienak ere
ardi zuri dira
zure bularraren babesean


Taupadak lehertzen zaizkit
zure gorputza besarkatzean

Biluztu nazazu goxoki
zure hatsaren ahapean


Estali nazazu orbelez
gauaren ilunean
ilargiaren argipean...


...askatasuna sentitu dezadan
zure begietara so egitean