Eguzkiak urtzen du han goian gailurretako elurra

Neguak harrapatu nau,
eta zu elur maluta baten antzera jauzi zara nire magalera.
Eta ni, elur maluten gisara urtu nahiz zure ezpainetan
Eguzkiaren beroak lez urtu dituzu nire bularretako gailurrak
eta negu hotz hau, desiraren beroz epeldu da zure besoetan


Neguak harrapatu nau
eta zuk masailak gorritu dizkidazu haize hotzaren antzera.
eta nik izoztutako beldurrak urtu ditut zure besoetan
Haur jolasetan lez, elur bola batean bilduta jaurti ditut duda-mudak
eta negu hotz hau, berotu dezagun bada sutondoko garretan!