Erbestea ikusezin
bilakatzen denean
muga politikoei
muga geografikoak gehitu behar.

Urtemugak biderkatuz...
20 urtez
klandestinitatea,
herrimina,
antsietatea!

A ze poza
zuen ahotsak entzutean,
ekilibrista bilakatu nahi nuke
telefono harian zehar
zuen besarkadetara heltzeko!

Hurrun bezain gertu
sentitzen zaituztet,
hurrun ukimenean
gertu sentimenean.
Ikusezin bezain ahaztezin
sentitzen zaituztet.